Солтүстікте боран, оңтүстікте аяз: алдағы күндерге арналған ауа райы болжамы
Фото: Depositphotos«Қазгидромет» РМҚ 4-6 қараша күндекріне арналған ауа райы болжамын жариялады, деп хабарлайды Almaty.tv.
Синоптиктердің болжамынша, алдағы күндері республика аумағы Атлант мұхитынан келетін циклонның ықпалында болады.
"Елдің басым бөлігінде жауын-шашын (негізінен қар) мен желдің күшеюін тудырады. Республика бойынша тұман, көктайғақ, ал солтүстік өңірлерде жаяу бұрқасын күтіледі", — делінген хабарламада.
Тек республиканың батыс аймағында ғана жауын-шашынсыз ауа райы сақталады.
"Оңтүстік өңірлерде атмосфералық фронттардың өтуіне байланысты қатты жауын-шашын (жаңбырдың қарға ауысуы) күтіледі, ал республиканың солтүстік бөлігінде кей жерлерде күшті қар жауады", — деп жазды «Қазгидромет» РМҚ.
Ауа температурасының күндізгі уақытта күрт төмендеуі болжанады: солтүстік пен орталықта –2…–10°С, оңтүстік және оңтүстік-шығыста +2…+7°С шамасында болады.
