Маңызды ақпарат
ҚҰРМЕТТІ АУДАН ТҰРҒЫНДАРЫ!Сырдария өзенінде көктемгі күрдің жүруіне байланысты Абай елді мекеніне кіре беріс автомобиль жолында орналасқан және «Қазалы-Қожабақы-Бозкөл-Кәукей» автомобиль жолының Қарлан учаскесіндегі қалқымалы көпірлер уақытша алынды.
Абай ауылына «Әйтеке би-Басықара-Абай» аудандық маңыздағы автомобиль жолы арқылы айналып өту мүмкіндігі бар.
Ал, Қарлан учаскесіндегі Сырдария өзенінің арғы бетінде орналасқан елді мекендермен Әлсейіт учаскесі арқылы айналма жолмен байланыс орнатылады.
Аталған қалқымалы көпірлер дариядағы күрдің жүруі толық аяқталғаннан кейін қалпына келтірілетін болады.
Осыған сәйкес, аудан тұрғындарын түсіністікпен қарауларыңызды сұраймыз.
