ШЕКАРАШЫ САРБАЗДАР ДАУЫС БЕРДІ
Бүгін Қызылқұм ауылдық округіне қарасты Кәукей ауылындағы №80 референдум учаскесінде республикалық референдум аясында дауыс беру жалғасуда. Ауыл тұрғындарымен қатар, ел шебін күзетіп жүрген сарбаздар да өз азаматтық таңдауларын жасауда.
Аталған учаскеге қарасты Жанқожа Нұрмұхамедұлы атындағы және Кәрібайбұлақ шекара заставасының сарбаздары референдумға қатысып, ел болашағына қатысты өз дауыстарын берді. Отан шекарасын қорғап жүрген жауынгерлердің бұл қадамы олардың мемлекет тағдырына бейжай қарамайтынын көрсетеді.
Ел тыныштығы мен қауіпсіздігін күзетіп жүрген сарбаздардың азаматтық белсенділігі – патриотизм мен жауапкершіліктің жарқын көрінісі. Әрбір дауыс – ел болашағына қосылған маңызды үлес.
#референдум2026
