ҚАЗАЛЫДА «ӘЖЕЛЕР» АНСАМБЛІ ДАУЫС БЕРДІ
Ғани Мұратбаев ауылындағы «Назқоңыр» әжелер ансамблі №91 мектеп ғимаратында орналасқан №64 референдум учаскесіне келіп дауыс беріп, береке мен бірліктің үлгісін көрсетті.
Бала-шаға, немересін ерте келген әжелер саяси науқанды мерекеге айналдырды. Әні мен сәні жарасып, әлеуметтің көңілін көтерді.
- Неше науқан болса, сонша дауыс бердім. Ешқайсысынан қалған жоқпын. Бала-шағам да солай. Бүгінгі елдік шарамызды сәтті өтуге нәсіп етсін. Қазыналы Қазалымыздың мерейі таси берсін, - деді ансамблнің мүшесі Есетова Бақытжамал.
