100 жастағы соғыс ардагері дауыс берді
Әйтеке би кентінде тұратын 100 жастағы Ұлы Отан соғысының ардагері Тілеуберген Тобабергенұлы үй жағдайында өз таңдауын жасады.
Референдум учаскесінің комиссия мүшелері арнайы жәшік пен бюллетеньді абыз ақсақалдың үйіне апарып, таңдау жасауға мүмкіндік жасады.
– «Бұрын дауыс беру учаскесіне өзім барып, дауыс беретінмін. Қазір бірнеше жылдан бері үйден таңдау жасаудамын. Бұл науқан ең алдымен, еліміздің болашағын айқындайды. Артымыздағы жастар аман болсын. Мемлекетіміз өркендеп, көркейе берсін», - деп елдің амандығы мен тыныштығын тілеп батасын берді.
Референдум учаскесінің комиссия мүшелері қарт майдангердің иығына шапан жауып, сый-құрмет көрсетті.
#Референдум2024
#ЕлімҮшінТаңдау
#ҚазалыАуданы
#СоғысАрдагері
