Мал ұрлығына байланысты рейд жұмыстары жалғасуда
Аудан әкімінің бекітілген кестесімен «Қазалы ауданы бойынша мал ұрлығының алдын алуға арналған» іс-шара жоспары әзірленді. Іс-шара жоспарына сәйкес және мал ұрлығының алдын алу бағытында Аудан аумағынан өтетін халықаралық маңызы бар KAZ-06 «Қарабұтақ-Қызылорда-Шымкент» автомобиль жолы бойында рейд жұмыстары жүргізілді.Рейд жұмыстарына аудандық ауыл шаруашылығы мен жер қатынастары бөлімі, аудандық полиция бөлімі, ветеринариялық бақылау және қадағалау комитетінің Қазалы аудандық аумақтық инспекциясы, аудандық ветеринариялық станциясы шықты.
Қараусыз жүрген мал ұры шақыратыны белгілі. Сондықтан аудан тұрғындарынан төрт түлікті бірдейлендіріп, пада және кезекпен бағу жұмыстары қолға алынып, бақылауда болуы қажет екендігін сұраймыз.
Мал ұрлығымен күресте малды таңбалау, чип енгізу, есепке алу, сәйкестендіру үлкен маңызға ие болып табылады.
