Таяу Шығыстағы қақтығыс аймағынан 7300-ден астам қазақстандық эвакуацияланды
Фото: Ru.freepik.comҚазақстан азаматтарын Таяу Шығыстағы шиеленіс аймағынан әлі де эвакуацияланып жатыр. Бұл туралы Stan.kz ақпарат агенттігі хабарлайды.
Еліміздің Сыртқы істер министрлігі құзырлы органдармен бірлесіп, Таяу Шығыстағы қақтығыс аймағынан Қазақстан азаматтарын елге қайтарып жатыр.
Эвакуация басталғалы бері резидент және резидент емес әуе компанияларының көмегімен 7300-ден астам қазақстандық елге оралды.
Әуе рейстерінен бөлек, азаматтар құрлық арқылы деп елге оралып жатыр. Олар Әзербайжан, Армения және Түрікменстан шекаралары арқылы эвакуацияланып жатыр.
Аймақтағы Қазақстанның дипломатиялық өкілдіктері жергілікті жерде жұмыстарды реттеп, отандастарымызбен байланысын үзбейді.
Еске салайық, бұған дейін сыртқы істер министрлігі Таяу Шығыстағы шиеленіске байланысты қазақстандықтарға бірқатар елдерге барудан бас тартуды ұсынған еді. Сондай-ақ өңірде жүрген азаматтарды қауіпсіздік шараларын күшейтіп, жергілікті билік нұсқауларын орындауға шақырды.
