Ұстаздар қауымына ата заң жобасының басты басымдықтары таныстырылды
Фото: №280 орта мектепҚызылорда қаласына қарасты Досан елді мекеніндегі №280 орта мектепте өңірлік коалиция өкілдері педагогтармен кездесу өткізді.
Кездесу барысында қатысушыларға алдағы 15 наурызда өтеді деп жоспарланған республикалық референдум және ұсынылып отырған жаңа Конституция жобасының негізгі бағыттары туралы ақпарат берілді.
Жиында сөз алған өңірлік коалиция мүшесі Сайлаубай Әбішев мұғалімдердің қоғамдағы рөліне тоқталып, олардың жас ұрпақты тәрбиелеу мен білім беру ісіндегі маңызын атап өтті.
Сондай-ақ коалиция мүшелері Конституция жобасында қарастырылған нормалар жөнінде түсіндірме беріп, білім беру саласына қатысты мәселелер жөнінде пікір алмасты.
Кездесу барысында білім берудің қоғам дамуына әсері, мұғалім мәртебесі, инфрақұрылымды жаңарту және тәрбиелік жұмыстың маңызы сияқты тақырыптар қозғалды. Педагогтар өз ой-пікірлерін білдіріп, жастардың қабілеті мен шығармашылық мүмкіндіктерін дамытуға жағдай жасаудың маңыздылығын атап өтті.
Жиын соңында қатысушылар алдағы референдумға қатысты ақпаратпен танысып, пікір алмасу жүргізілді.
