Салық режимдерін оңтайландыру мақсатында 3 арнаулы салық режимі енгізілді

Мемлекет басшысы Қ.Тоқаев 2025 жылғы 18 шілдеде жаңа Салық кодексіне қол қойды. Аталған құжат еліміздің салық жүйесін заман талабына сай жетілдіруге бағытталған. Кодекс ағымдағы жылдың 1 қаңтарынан бастап қолданысқа енгізілді. Осыған байланысты, оның негізгі өзгерістері мен жаңашылдықтары туралы баяндауға рұқсат етіңіздер.

Салық режимдерін оңтайландыру мақсатында арнаулы салық режимдерінің 3 түрі енгізілді: Өзін-өзі жұмыспен қамтығандарға арналған АСР, оңайлатылған декларацияға негізделген АСР және шаруа немесе фермер қожалықтарына арналған АСР

✓ Өзін-өзі жұмыспен қамтығандарға арналған АСР, шарттары:

- жеке тұлға болуы керек;

- Кірісі- айына 300 АЕК (2 197 500 теңге/ай.);

- Жалдамалы қызметкерсіз;

- Мөлшерлеме- 4% тек МЗЖ, ЖБМЗЖ,ӘА, МӘМС (ЖТС-сыз);

- Үкімет бекіткен 40 қызмет түрлерін ғана жүзегеасыра алады.

Атап айтқанда, рұқсат етілген қызмет түрлеріне такси қызмет, тігін қызметі, жеткізу қызметі, тұрмыстықтехника жөндеу қызметі және тағы басқа кішігірімқызмет көрсету салалыры жатады.

✓ Оңайлатылған декларацияға негізделген АСР, шарттары:

- Дара кәсіпкерлер мен заңды тұлғалар;

- Кірісі- 600 000 АЕК жылына (2,4 млрд. теңге);

- Жалдамалы қызметкерлер саны – шектеусіз;

- Мөлшерлеме- 4% (мәслихат шешімімен 50%-ғадейін төмендете немесе көтере алады);

Қазалы аудандық мәслихатының 2025 жылғы 24 қарашадағы №480 шешіміне сәйкес 50 пайыз жеңілдетілген. Яғни 2 пайыз салық салынады.

- Қолдануға тыйым салынған (185) қызмет түрлері айқындалған. (ҚР Үкіметінің 2025 жылғы 14 қарашадағы № 970 қаулысы).

✓ Шаруа немесе фермер қожалықтарына арналғанАСР, шарттары:

- Салық жеңілдіктері сақталады, тек ЖТС түрінде салық салынады. БЖС алынып тасталды;

- Мөлшерлеме - кірістен 0,5%.

Бұл ретте жаңа режимге көшу жұмыстары жүргізу қажеттігін ескертеміз.

Салық кодексінің нормаларына сәйкес қолданылатын режим туралы хабарлама ұсыну мерзімі 01.01.2026- 28.02.2026 ж.ж. аралығында салық төлеуші кабинеті (КНП), «е-Salyq business» мобильді қосымшасы, ірі банктердің банк қосымшалары немесе орналасқан жері бойынша Мемлекеттік кірістер басқармаларына қағаз жүзінде ұсынуға болады.

Ескертпе: Көрсетілген мерзім ішінде тиісті хабарламалар ұсынбаған салық төлеушілер, автоматты түрде жалпыға бірдей белгіленген салық салу режиміне ауыстырылады, режимнің басталуы 2026 жылдың 1 қаңтар болып табылады.