Жалған психологтармен күрес: Мәжіліс заң жобасын қарауда
Фото: freepik.comДепутаттар "Психологиялық қызмет туралы" заң жобасын талқылауды бастады. Бұл заң алғаш рет осы саладағы мамандар үшін нақты ережелерді енгізеді. Бұл туралы Stan.kz ақпарат агенттігі хабарлайды.
Ережеге сай, енді барлық психологтар біртұтас базаға тіркелуге міндетті болады. Қазір жұмыс істеп жүрген мамандарға тіркелу үшін 2 жыл берілген. Одан бөлек:
Жұмыс істей алатындар тек профильді білімі барлар (педагогикалық немесе медициналық) немесе қайта даярлықтан өткендер (кемінде 900 сағат).
Психологтарға медициналық диагноз қою, дәрі тағайындау және сананы өзгертуге әсер ететін әдістерді қолдануға тыйым салынады.
Терапия үшін жазбаша келісім міндетті болады. Сеансты аудио немесе видеоға жазу тек клиенттің рұқсатымен.
Жасөспірімдерге консультация (мектептен тыс және төтенше жағдайдан басқа) тек ата-анасының келісімімен жүргізіледі.
Сонымен қатар, психологтар әр бес жыл сайын біліктілігін көтеруге міндетті болады.
