35 градусқа дейін аяз: демалыс күндері ауа райы қандай болады?
Фото: depositphotos.comАлдағы күндері ауа райына Атлантика аймағынан жылжып келе жатқан циклон әсер етеді. Сондықтан қар жауады, оңтүстік өңірлерде де жаңбыр мен қар болжанып отыр. Боран соғып, жел күшейеді.
Ауа температурасы
- Циклон ел аумағы арқылы ілгерілеген сайын ауа температурасы біртіндеп жоғарылайды: түнде орталық және шығыс өңірлерде -5…-18°С-қа дейін, оңтүстік-шығыста -2…-7°С-қа дейін, таулы аудандарда -7…-15°С-қа дейін көтеріледі.
- Солтүстік облыстарда ауа температурасы түнде -20…-35°С шамасында болып, аяз сақталады.
- Батыста түнде ауа температурасы -15…-30°С-қа дейін, солтүстік-батыста -20…-35°С-қа дейін төмендейді.
