Қабылдауда баспана және әлеуметтік көмек мәселелері көтерілді

Бүгін партияның аудандық филиалының қоғамдық қабылдау бөлмесінде кезекті жеке қабылдау өтті. Қабылдауды аудандық мәслихат депутаты, «AMANAT» партиясы фракциясының мүшесі Райымбек Бөлебаев жүргізіп, тұрғындардың талап-тілектерін тыңдады.

Қабылдау барысында азаматтар әлеуметтік маңызы бар бірнеше мәселені көтерді. Атап айтқанда, тұрғын үй кезегіне тіркелу және баспана алу, сондай-ақ жаңа оқу жылына орай мүгедектігі бар азаматтардың балаларына оқу құралдары мен мектеп киіміне көмек көрсету бойынша өтініштер айтылды.

Райымбек Болатбекұлы тұрғын үйге қатысты қойылған сұрақтарға байланысты заңнама талаптарына сәйкес түсіндірме берді. Тек кезек тәртібімен және заңда белгіленген санаттарға сәйкес берілетіндігін айтты. Сонымен қатар, депутат жаңа оқу жылына дайындық аясында қолдау қажет ететін отбасыларға көмектесу бағытында тиісті салалық мекемелермен бірлесе жұмыс атқарылатынын айтты.

#AMANAT