Мәслихат депутаты сайлау округі бойынша көшпелі қабылдау өткізді

Бүгін аудандық мәслихат депутаты, аудандық мәслихаттағы «AMANAT» партиясы депутаттық фракциясының мүшесі Күншығар Әбілов сайлау округіне қарасты Өркендеу ауылында көшпелі қабылдау өткізді.

Қабылдау барысында тұрғындар тарапынан Жанкент көшесін асфальттау, емхана ғимаратының ішкі сыртқы жарықтандырылуы мәселелері айтылды. Сондай ақ, мүгедектігі бар адамдарға санаторийлік-курорттық емделу үшін қосымша жеңілдіктер алу және мүгедектікке қайта куаландыру алу сынды өзекті мәселелермен жүгінді.

Халық қалаулысы тұрғындардың барлық мәселелерін назарға ала отырып, түсіндірме жасап, заңда белгіленген тәртіппен тиісті жұмыстар атқаратындығын жеткізді.
#AMANAT