Таңдау сенің қолыңда
Жастар – күш, жігер және мүмкіндіктер иесі. Бірақ сол мүмкіндіктерді жоятын қауіпті жау бар, ол – есірткі. Есірткі адамды уақытша алдағанмен, болашақты ұрлайды. Арманды өшіреді, денсаулықты әлсіретеді, жақын жандардың жүрегіне жара салады.Есірткі «бір рет қана» деген жалған уәдемен басталады. Бірақ оның соңы қайғылы. Ақылды, дарынды жастардың өмірі сол бір қателікпен күйреп жатады. Нағыз батырлық – зиянды әдеттен бас тарту, өз болашағыңа жауапкершілікпен қарау.
Кейде орта, қызығушылық немесе әлсіздік адамды қате жолға итермелеуі мүмкін. Бірақ нағыз күш – “жоқ” деп айта білуде. Өзіңді сыйлау, өмірді бағалау – саналы адамның белгісі.
Бүгінгі дұрыс таңдау ертеңгі жарқын өмірге бастайды. Білім ал, спортпен айналыс, мақсатыңа сен.
Есірткісіз өмір – еркін өмір. Таңдауыңмен болашағыңды қорға!
Нұрбек Шүменұлы,
Жанқожа батыр атындағы №70 орта мектеп
9А сынып оқушысы
