«ҚазАвтоЖол» жолдардың қазіргі ахуалы туралы хабарлады
«ҚазАвтоЖол» ұлттық компаниясы елдегі жолдардың қазіргі ахуалы туралы хабарлады.
Ұлттық компанияның мәліметінше, 2026 жылғы 3 қаңтар күні сағат 08:00–дегі жағдай бойынша, ауа райының қолайсыздығына байланысты республикалық маңызы бар келесі автожол учаскелерінде жүк және қоғамдық көлік түрлері үшін қозғалыс шектелді:
Ақтөбе облысы
• «Қандыағаш — Ембі — Шалқар — Ырғыз» автожолының 3-257-шақырымы (Қандыағаш қаласы — Шалқар қаласы);
• «Ақтөбе — Қандыағаш — Доссор — Атырау — РФ шекарасы» автожолының 104-337-шақырымы (Қандыағаш қаласы — Атырау облысының шекарасы).
Атырау облысы
• «Ақтөбе — Қандыағаш — Доссор — Атырау — РФ шекарасы» автожолының 337-346-шақырымы (Ақтөбе облысының шекарасы — Сағыз ауылы).
Сондай-ақ тіркемесі бар және жартылай тіркемелі жүк көліктерінің қозғалысы Осинов асуында уақытша шектелді. Шектеу «Өскемен — Алтай — Катонқарағай — Рахман қайнары» автожолының 46-66-шақырымындағы (Северное ауылы — Серебрянск қаласы) учаскесінде қыс аяқталғанша сақталады.
Жабық жолдар
Ауа райының күрт бұзылуына байланысты 2026 жылғы 2 қаңтар сағат 21:45–тен бастап Ақтөбе облысында барлық көлік түрлері үшін қозғалыс жабылды:
• «РФ шекарасы — Мәртөк — Ақтөбе — Қарабұтақ — Қызылорда — Шымкент — Тараз — Қордай — Алматы — Қорғас — ҚХР шекарасы» автожолының 776-965-шақырымы (ЭКО ойл жанармай құю станциясы — Қарабұтақ кенті).
Ал «Астана — Шідерті — Павлодар — Успенка — РФ шекарасы» автожолындағы жолайрықтың көпір құрылымының шеткі арқалықтары зақымдануына байланысты «Қалқаман» жолайрығы учаскесі жабылды. Атап айтқанда, Қалқаман кентіне кіреберіс пен Астана бағытына шығатын жол уақытша жабық.
