Kundelik: мыңдаған оқушының жеке дерегі әлеуметтік желіге тарап кеткен

Яғни логин, пароль не телефон нөмірлері тараған-тармағаны белгісіз.

Фото: www.istockphoto.com

Еліміздегі Kundelik электронды күнделігіне тіркелген бірнеше мың оқушының жеке мәліметі кеңінен тарап, қолжетімді болып қалды. Оның ішінде баланың толық аты-жөні, туған күні, оқитын мектебі және сыныбы көрсетілген, – деп хабарлайды Aikyn.kz. сайты “Выход к морю” Telegram арнасына сілтеме жасап.

Олардың мәліметінше, бұл ақпарат желтоқсан айының басында шыққан. Ондағы деректер өз өзектілігі биылғы қыркүйекке жоғалтпайды. Алайда бұл туралы платформа операторлары ресми түсініктеме бермеген.

Қазір бірнеше мың жолдан тұратын файл Darknet алаңында сатылымға қойылған. Әрине, бұл қалыпты жағдай. Әзірге тараған ақпараттың қандай көлемде екені, яғни логин, пароль не телефон нөмірлері тараған-тармағаны белгісіз. Сондықтан ертеңгі күні тартар зардабымyың қаншалықты болары белгісіз.

Дегенмен Kundelik Қазақстандағы мектептердің басым бөлігінде міндетті жүйе болғандықтан, онда миллиондаған оқушы, ата-ана және мұғалім тіркелгені белгілі.

Атап айтсақ, Kundelik платформасының негізін қалаушы әрі иесі - Мұхтар Ілиясов және оның бизнес-серіктесі, "Зерде" холдингінің бұрынғы топ-менеджері Асқар Бішігев (Innovation Process Group арқылы), Нұрсұлтан Назарбаевтың ортаншы қызы Динара Құлыбаева (MP Innovations арқылы) және «Дневник.ру» ЖШҚ ресейлік компаниясы. Міне, осының негізінде Kundelik платформасы әзірленген болатын.

Негізі бұған дейін де Kundelik пен оның ресейлік баламасы бұған дейін де жеке деректердің қорғалмауы, монополия, жарнаманы ақылы түрде өшіру сияқты мәселелер үшін жиі сынға алынған. Бұған қоса, жүйедегі жарнама интеграциясының кесірінен оқушылардың күнделіктерінде порнографиялық видеолар пайда болған жағдайы тіркелген.