Аудан әкімі Бекарыстан би ауылындағы спорт кешенінің құрылысын көрді
Аудан әкімі Алмасбек Есмаханов жұмыс сапарымен Бекарыстан би ауылына барып, «Ауыл – ел бесігі» бағдарламасы аясында салынып жатқан спорт кешенінің құрылыс барысын көрді.Аталған нысан – елді мекендегі дене шынықтыру мен бұқаралық спортты дамытуға, ауыл жастарының бос уақытын тиімді өткізуіне бағытталған маңызды әлеуметтік жоба. Қазіргі таңда спорт кешенінің іргетасының колонналарына бетон құю жұмыстары, электр желісін және ауыз су желісін жүргізу жұмыстары жасалды. Бүгінде темір қаңқалары тікейтіліп монтаждау жұмыстары жүргізілуде. Жалпы ғимараттың құрылыс-монтаж жұмыстары жоспарға сәйкес жүріп жатыр. Спорт кешенінің құрылысымен мердігер мекеме мекемесі айналысуда.
Аудан басшысы мердігер мекеме «Жылу ХХІ» жауапкершілігі шектеулі серістестігінің жауапты өкілімен кездесіп, құрылыс жұмыстарының сапасы мен мерзімінде аяқталуын қатаң бақылауға алуды тапсырды. Сондай-ақ, нысан пайдалануға берілген соң оны тиімді пайдалану, ауыл жастары үшін спорт секцияларын ұйымдастырудың маңыздылығына тоқталды.
Аудан басшысы мердігер мекеме «Жылу ХХІ» жауапкершілігі шектеулі серістестігінің жауапты өкілімен кездесіп, құрылыс жұмыстарының сапасы мен мерзімінде аяқталуын қатаң бақылауға алуды тапсырды. Сондай-ақ, нысан пайдалануға берілген соң оны тиімді пайдалану, ауыл жастары үшін спорт секцияларын ұйымдастырудың маңыздылығына тоқталды.Айта кетейік, биыл Қазалы ауданында «Ауыл – ел бесігі» бағдарламасы аясында Бекарыстан би ауылынан бөлек, Әйтеке би кенті мен Қожабақы ауылдарында спорт кешендері, сондай-ақ Майдакөл ауылында 100 орындық ауылдық клуб салынуда. Бұл жұмыстар – ауылдық жерлердегі әлеуметтік инфрақұрылымды жақсарту бағытындағы нақты қадам.
