Құрылыс қарқыны бәсеңдемейді
Аймақта құрылыс қарқыны жыл санап артып келеді. Құрылыс индустриясын дамытуға барынша басымдық беріліп, нәтижелі жұмыстар жүргізілуде. Ауданда осы салада атқарар жұмысы ауқымды. Бірнеше нысан бой көтеріп, жарқын жобалар жүзеге асуда.Биыл ауданда «Ауыл – ел бесігі» бағдарламасы аясында Әйтеке би кенті, Бекарыстан би және Қожабақы ауылдарында 3 спорт кешені мен Майдакөл ауылында 100 орындық ауылдық клубтың құрылысы жүруде. Жұмыс барысын жақында аудан әкімі Алмасбек Есмаханов көріп, мердігерлермен кездесті.
Бүгінге дейін Бекарыстан би ауылындағы спорт кешенінің іргетасының колонналарына бетон құю жұмыстары, 10 кВ электр желісін және ауыз су желісін жүргізу жұмыстары жасалған. Қазіргі таңда темір қаңқалары тікейтіліп монтаждау жұмыстары жүргізіліп, құрылыс-монтаж жұмыстарының 40 пайызы орындалыпты. Спорт кешенінің құрылысымен мердігер мекеме «Жылу ХХІ» жауапкершілігі шектеулі серістестігі мекемесі айналысуда. Ал Майдакөл ауылындағы ауылдық клуб құрылысының қызір 90 пайызы аяқталып тұр. Қазір мердігер мекеме «Намыс-Құрылыс» жауапкершілігі шектеулі серіктестігі нысан аумағына абаттандыру жұмыстарын жүргізуде.
Аудан басшысы құрылыс нысандарын аралау барысында спорт кешені мен ауылдық клубтың құрылысын мерзімінен кешіктірмей сапалы етіп аяқтауды тапсырды. Мердігер мекеме мен тиісті сала басшыларына құрылыс жұмыстарын күнделікті қатаң бақылауда ұстау керегін айтты. Иә, ендігі мақсат – талапқа сай жұмыстың жүргізілуінде. Талап – қатал, жұмыс – тұрақты болғанда ғана сапалы нәтиже бермек.
Айнұр АЙДАРҚЫЗЫ
