Аудан әкімінің орынбасары жеке қабылдау өткізді
Бүгін аудан әкімінің орынбасары Жалғас Сүйеубаев партия алаңында қоғамдық қабылдау өткізіп, тұрғындардың өтініштерін тыңдады. Көтерілген мәселелердің қатарында жеке тұрғын үйдің жер телімін ұлғайту және Шағырай батыр көшесіндегі жаңа ипотекалық үйлерді қоршау мәселелері болды.Әр мәселе бойынша Жалғас Оңғарұлы түсіндіру жұмыстарын жүргізді. Атап айтқанда, жеке тұрғын үй аумағын кеңейтуге қатысты заң талаптары мен қажетті рәсімдер түсіндірілді. Ал Шағырай батыр көшесіндегі жаңа ипотекалық үйлерді қоршау мәселесі бойынша ол жауапты бөлімдерге нақты тапсырмалар берді және бұл жұмыстардың жақын уақытта толық аяқталатынын айтты.
Сонымен қатар көтерілген барлық мәселелер жеке-жеке тіркеліп, олардың орындалуы өз бақылауына алынатынын атап өтті.
#AMANAT
