Партия алаңында аудан әкімінің орынбасары қабылдау өткізді
Бүгін аудан әкімінің орынбасары Дәурен Тілеумбетов аудандық партия алаңында қоғамдық қабылдау өткізіп, тұрғындардың өтініштерін тыңдады.Жеке қабылдауда тұрғындардың көпшілігі жұмыспен қамту мәселесі бойынша өтініштерін айтты. Сондай-ақ денсаулық, тұрғын үй және көше атауын беру мәселелері бойынша сұрақтар көтерілді.
Өз кезегінде аудан басшысының орынбасары жұмыс қажеттілігімен жүгінген тұрғындардың мәселесін тиісті сала өкілдерімен бірге шешілу жолдарын қарастырып, өтініш иелеріне бүгінгі күні сұранысқа ие болып отырған бос жұмыс орындарын ұсынды. Қабылдау барысында айтылған басқа да сауалдар бойынша заңдылыққа сәйкес жауап беріп, алдағы уақытта назарда болатындығын айтып, жауапты сала басшыларына тиісті тапсырмалар жүктеді.
#AMANAT
