Қытымыр аяз сақталатын аймақтар белгілі болды
Фото: pixabay.comЕлімізде алдағы күндері ауа райы күрт суытып, кей аймақтарда қатты аяз күтіледі. Синоптиктердің болжамынша, түнде температура –20°С-қа дейін төмендеуі мүмкін, деп хабарлайды El.kz интернет порталы.
13 қарашада шығыс және оңтүстік-шығыс облыстарда жаңбыр мен қар түрінде қатты жауын-шашын болады. Республиканың басым бөлігінде тұман түсіп, көктайғақ күтіледі, жел күшейіп, кей жерлерде бұрқасын соғады.
Тек еліміздің оңтүстігі мен оңтүстік-батысында ғана жауын-шашынсыз ауа райы сақталады.
Ауа температурасы:
- Солтүстікте: түнде -5…-12°С, күндіз –0…-6°С;
- Солтүстік-батыста: түнде -2…-10°С, күндіз –0…-5°С;
- Орталықта: түнде -3…-13°С, күндіз -6…+3°С;
- Шығыста: түнде –8…-20°С, күндіз –0…-10°С.
Елдің басқа өңірлерінде ауа температурасы айтарлықтай өзгермейді.
