«Учаске» іс-шарасы: Қоғам тыныштығы – полиция назарында
2024 жылдың 1 қыркүйегі мен 1 желтоқсаны аралығында Қазалы ауданында «Учаске» жедел-профилактикалық іс-шарасы өткізіліп жатыр. Шараның негізгі мақсаты – қоғамдық тәртіпті сақтау, құқық бұзушылықтың алдын алу және тұрғындардың қауіпсіздігін қамтамасыз ету.Аудандық полиция бөлімінің учаскелік инспекторлары халықпен тығыз байланыс орнатып, түсіндірме жұмыстарын жүргізуде. Адамдар көп шоғырланатын орындарға құқықтық мазмұндағы жадынамалар ілініп, құқықтық сауаттылықты арттыруға басымдық берілді.
Инспекторлар учаскелеріндегі жалдамалы пәтерлер, тұрмысы төмен отбасылар мен профилактикалық есепте тұрған тұлғаларды аралап, бақылау жүргізіп отыр. Бұл іс-шара қоғам мен полиция арасындағы сенімді нығайтып, тәртіпті орта қалыптастыруға ықпал етуде.
ҚАЗАЛЫ АУДАНЫНЫҢ ПОЛИЦИЯ БӨЛІМІ
