Қазақстанда барлық футбол клубы жекенің қолына берілмек
Фото: pixabay.comҚазақстандағы барлық кәсіби футбол клубтарын 2-3 жыл ішінде жеке инвесторлардың қарамағына беру жоспарланып отыр. Бұл туралы Қазақстан футбол федерациясының кәсіби жарыстарды ұйымдастыру дирекциясының басшысы Бақытжан Пазылхайыр "Түйін"ақпараттық-талдамалық бағдарламасына берген сұхбатында айтты. Бұл туралы Stan.kz ақпарат агенттігі хабарлайды.
Бақытжан Пазылхайырдың сөзінше, футбол клубтарын жекешелендіруге қажетті жағдайлар жасалған және барлық өңірлер осы бағытта жұмыс істейтін болады.
Бақытжан Пазылхайырдың 2025 жылы төрт футбол клубы жеке инвесторлардың басқаруына өтетінін айтты. 2025 жылғы қазан айында премьер-министр Олжас Бектенов Freedom Holding Corp. компаниясының еншілес ұйымы Freedom Finance Қарағандының "Шахтер" футбол клубы үшін стадион мен футбол академиясын салуға қызығушылық танытқанын хабарлады.
Сонымен қатар Сергей Канға тиесілі "Орталық Азия отын-энергетикалық компаниясы" Петропавлдың "Қызыл-Жар" клубын сатып алу мүмкіндігін қарастырып жатыр. Бұдан бөлек, Михаил Ломтадзе тең иелік ететін Kaspi Group Астананың "Жеңіс" клубын сатып алып, футбол инфрақұрылымын дамытуға қаржы құюды жоспарлап отыр.
"Жақында Қызылорданың "Қайсар" футбол клубы жеке кәсіпкерге берілді. Инвестор екі жыл ішінде 12 миллиард теңгеге жаңа академия салуға міндеттеме алды. Негізгі назар балалар футболына және жаттықтырушыларды даярлауға аударылады", - деді Бақытжан Пазылхайыр.
Қазан айының соңында "Қайсар" футбол клубының жаңа иесі кәсіпкер Ислам Козбақовқа тиесілі TAU GROUP компаниясы болғаны хабарланды. Сондай-ақ Ақтөбе облысының әкімі Асхат Шахаров "Ақтөбе" футбол клубының жеке меншікке өтетінін мәлімдеді.
Қазір Қазақстанда 32 кәсіби футбол клубы бар, олардың 35%-ы жеке меншікте. Клубтарды жекешелендіру басқару моделін өзгертеді: жаңа иелер үшін басты мақсат спорттық нәтиже мен қаржылық тиімділік болады. Бұл ішкі құрылымды түбегейлі қайта құруға алып келеді.
ҚФФ 2025-2030 жылдарға арналған даму стратегиясын бекітті. Ол 11 негізгі бағытты қамтиды. Басты мақсат – 2030 жылғы Әлем чемпионатының іріктеу кезеңінен өту. Өткен жылы федерация ел аумағында ресми турнирлер өткізу құқығын қайта алды. Ал келесі маусымда "Қайрат" клубы УЕФА Чемпиондар лигасында алғаш рет өнер көрсетпек.
Еске салайық, бұған дейін президент Қасым-Жомарт Тоқаев тек бюджет қаржысына тәуелді болып отырған спорт федерацияларының басшыларын сынға алды. Ол спортты қолдауды азаматтық жауапкершілік пен қоғамдық миссия ретінде қарау қажет екенін айтты. Мемлекет басшысы кейбір кәсіпкерлер мен мемлекеттік қызметкерлердің спорт федерацияларын жеке бедел жинау құралына айналдырғанын атап өтіп, мұндай үрдіске тосқауыл қоюды тапсырды. Тоқаев спортты коммерцияландыруды, ірі бизнес өкілдерінің белсенді қатысуын және туризм мен спорт министрлігі арасындағы тең серіктестік орнатуды маңызды міндет ретінде белгіледі. Сондай-ақ ол құтқарушылар мен спортшылардың салауатты өмір салтын насихаттауда үлгі болуы тиіс екенін атап өтті.
