«Ертіс» футбол клубына алғаш рет әйел адам басшы болды
«Ертіс» футбол клубы бас директорының міндетін атқаруға Насима Хаева тағайындалды, деп хабарлайды «SPORTINFORM» САА.Осыған дейін клубтың бұрынғы бас директоры Жанайдар Дүйсенбаевтың қызметінен кеткендігі хабарланған болатын. Айта кететін мәселе, Насима Хаева 5 мәрте ел чемпионы атанған клубтың жетекшілігіне тағайындалып отырған алғашқы әйел адам. Ал, қазақстандық футбол тарихында клуб басшысы лауазымына тағайындалып отырған екінші жағдай. Осыған дейін «Ақтөбе» клубының басшылығында бірнеше жыл бойы Шарипа Бихамбетова болған еді.
