Қоғамдық кеңестің кезекті отырысы өтті

Қоғамдық кеңестің күн тәртібіне байланысты «Мемлекет басшысының бастамасымен 2025 жылғы "Жұмысшы мамандықтар жылы" деп жариялануына байланысты мектептер мен колледждерде кәсіби бағдар беру, жұмысшы мамандықтарын даярлау жұмыстарының жайы туралы» мәселе бойынша Қазалы ауданы бойынша білім бөлімінің басшысы Әділхан Оңдасынұлы, Қазалы көлік-техникалық жоғарғы колледжінің директоры Рахметулла Жәдігерұлы және Қазалы аграрлы-техникалық колледжі директорының орынбасары Қаршыға Меңдіқұлұлы хабарлама жасады. Хабарлама жөнінде кеңес мүшелері тарапынан ұтымды пікірлер айтылып білім бөлімінің басшысының және колледж директорларының жұмыстарына сәттілік тіледі.

Күн тәртібіндегі «Арнаулы әлеуметтік қызметтер көрсетуге арналған тарифтерді бекіту туралы» және «Қазалы ауданы бойынша арнаулы салалық режимін қолдану кезінде салық мөлшерлемесінің мөлшерін төмендету туралы» мәселе бойынша аудандық жұмыспен қамту және әлеуметтік бағдарламалар бөлімінің басшысы Совет Кеңесұлы мен аудандық кәсіпкерлік және өнеркәсіп бөлімінің басшысы Ғалымжан Зинадинұлы баяндама жасап, кеңес құрамынан оң қорытынды алды.