Бокстан Қазақстан жастар құрамасы Өзбекстанды басып озды
Қазақстан бірақ қосымша көрсеткіштердің арқасында жалпы есепте бірінші орынға шықты
Фото: ҰОК баспасөз қызметі
Бахрейннің Манама қаласында жасөспірімдер арасындағы Азия Ойындары өз мәресіне жетті, деп хабарлайды Azattyq Rýhy 1bol.kz сайтына сілтеме жасап.
Бұл дүбірлі дода жас боксшылар үшін аса маңызды турнирлердің бірі болды. Финалдық бәсекелерде қазақ ұландары тамаша өнер көрсетіп, 5 алтын медаль жеңіп алды.
Чемпион атанғандар кімдер
Ұлдар арасында:
- 50 кг: Жұмағали Нұрмахан
- 54 кг: Досжан Жұмақан
- 66 кг: Даниял Шалқарбай
Қыздар арасында:
- 66 кг: Аяулым Оспанова
- 75 кг: Камила Оспанова
Жалпы медаль саны бойынша Қазақстан мен Өзбекстан тең түсті. Алайда ширек финалға шыққандар саны бойынша Қазақстан құрамасы басымдық танытып, қосымша көрсеткіштердің арқасында жалпы есепте бірінші орынға шықты.
