Абай Құнанбайұлына – 180 жыл

Абай Құнанбайұлы 1845 жылы қазіргі Шығыс Қазақстан облысы, Абай ауданындағы Қасқабұлақ деген жерде дүниеге келген. Әкесі Құнанбай өз заманында беделді би, ел ағасы болған. Абай бала жасынан білімге құштар, зерек болып өсіп, медреседе және орыс мектебінде оқып, білімін кеңейткен.

Ол өз заманының әділетсіздігіне, надандығына қарсы шығып, халықты ғылым мен білімге, еңбек пен әділдікке шақырды.

Абайдың қара сөздері – қазақ философиялық прозасының алғашқы үлгісі. Бұл еңбектерінде ол адамгершілік, ар-ождан, әділет, еңбек, білім және тәрбие мәселелерін көтеріп, ұлт руханиятының іргетасын қалады.

Ал оның өлеңдері мен әндері – қазақ әдебиеті мен мәдениетінің алтын қорына енген мәңгілік мұралар.

Абайдың "Толық адам" ілімі қазіргі қоғамда да өзекті. Ол адамды өз-өзіне, қоғамға, Отанға адал болуға үндейді. Бүгінгі таңда елімізде Абай мұрасын насихаттау арқылы жастарды ұлттық рухта тәрбиелеу, мәдени мұраға құрметпен қарау дәстүрі жалғасуда.

Абайдың «Ғылым таппай мақтанба», «Интернатта оқып жүр», «Сегіз аяқ» сияқты өлеңдері – жастарды еңбекқорлыққа, ізденіске, адамдық қасиеттерге баулиды.

Абайдың 180 жылдығы – тек бір ақынның ғана емес, күллі қазақ халқының рухани жаңғыруының мерекесі. Бұл мерейтой аясында еліміздің түкпір-түкпірінде ғылыми конференциялар, әдеби кештер, көрмелер және өнер фестивальдері ұйымдастырылуда.

Абайдың рухани мұрасын дәріптеу – ұлттық сана мен мәдениеттің дамуына, жас ұрпақтың бойында отансүйгіштік пен адамгершілік қасиеттерді қалыптастыруға зор ықпал етеді.

Абай Құнанбайұлы – ұлттың ұлы ұстазы, дана ойшыл, мәңгілік мұра қалдырған кемеңгер тұлға. Оның 180 жылдығынатапөту – ұлы ақынның идеяларын жаңғырту, рухани құндылықтарды дәріптеу және болашақ ұрпаққа үлгі ету жолындағы маңызды қадам.

Қазалы аудандық сотының судьясы