Қазақстан Парламенті жасанды интеллект туралы заң қабылдады
Қазақстан Парламенті жасанды интеллект туралы заң қабылдады
Фото: Midjourney
Фото: MidjourneyМәжіліс депутаттары Сенаттың жасанды интеллект (ЖИ) туралы заңға енгізген түзетулеріне келісті, - деп хабарлайды Massaget.kz.
Бір апта бұрын Сенат ЖИ туралы заңды қайта қарау үшін Мәжіліске қайтарған еді. Сенаторлар ЖИ жүйелерін қолдану арқылы келтірілген зиян үшін міндетті сақтандыруды енгізуді ұсынды. Бұған дейін тек ерікті сақтандыру туралы айтылған болатын.
Бүгін Мәжіліс Сенаттың "Жасанды интеллект туралы" заң мен оған ілеспе түзетулерге енгізген өзгерістерімен келісті. Жұмыс тобының жетекшісі Екатерина Смышляеваның айтуынша, Сенат барлығы 16 түзету енгізген. Олар Мәжіліс қабылдаған заңдардың мазмұнын өзгертпейді.
"Оның барлығы редакциялық және нақтылау сипатында. Бұл түзетулер құқық қолдану жүйесіне ешқандай әсер етпейтіндіктен, Парламент Сенаты енгізген өзгерістер мен толықтыруларға келісуге болады деп санаймыз", – деді Мәжіліс депутаты.
