Енді ауызсудың тарифі жаңа әдіспен есептеледі
Фото: depositphotos.comЖергілікті атқарушы органдар халық үшін ауызсу тарифін өзі белгілейді. Оның мөлшері республикадағы орташа тариф шегінде болуға тиіс, - деп хабарлайды Massaget.kz.
Су кодексіне сәйкес мәслихаттарға өңірдің әлеуметтік-экономикалық даму деңгейіне және су тарифіне қарай ауызсудың 1 текше метріне төлем мөлшерін реттеуге рұқсат етіледі.
"Бүгінде жергілікті атқарушы органдар халыққа төлем мөлшерін айқындау үшін жұмыс істеп жатыр", - деді Құрылыс және тұрғын үй-коммуналдық шаруашылық істері комитетінің төрағасы Бақытжан Жүнісбеков ОКҚ-дағы баспасөз конференциясында.
Оның айтуынша, бір адамға тәулігіне 140 литр көлемінде су тұтыну нормасы бекітілген, ал одан асып кеткен жағдайда тұтынушы артық көлем үшін 30% жоғары мөлшерлемемен төлейді.
