Жыл соңына дейін сиыр етін экспорттауға тыйым салу ұсынылды
Фото: istockphoto.com"Ашық НҚА" порталында сиыр етін экспорттауға жыл соңына дейін тыйым салу туралы Ауыл шаруашылығы министрлігі әзірленген арнайы құжат жарияланды. Бұл туралы Stan.kz ақпарат агенттігі хабарлайды.
Оған сәйкес, ірі қара малдың етін Қазақстан аумағынан өзге елдерге және ЕАЭО елдеріне экспорттауға 2025 жылдың 31 желтоқсанына дейін тыйым салу ұсынылған.
"Бұл шара елдің азық-түлік қауіпсіздігін қамтамасыз ету, мал шаруашылығы өнімдерін өнімдерін өңдеуді дамыту, сондай-ақ сиыр етіне бағаны тұрақтандыру мақсатында енгізілді. Бұйрық қабылданған жағдайда теріс әлеуметтік-экономикалық және құқықтық салдарларға әкеп соқтырмайды", – делінген құжатта.
Құжат 22 қазанға дейіне дейін ашық талқылауда болады.
Айта кетейік, бұған дейін сиыр етінің құны 6000 теңгеге жеткені туралы жазған болатынбыз. Сауда министрлігі ет бағасын өсірген кәсіпкерлерге айыппұл салғаны хабарланды. Сондай-ақ Қазақстанда сиыр етінің қымбаттауына байланысты жедел желі іске қосылғаны белгілі болды.
