Қазақстан азық-түлік бағасы ең қолжетімді елдер тізіміне енді
Фото: freepik.comҚазақстан азық-түлік бағалары қолжетімді елдер тізіміне енді. Рейтингті Numbeo сарапшылары құрастырған. Бір жылдың ішінде еліміз тізімде 13 сатыға көтеріліп, 21-орынға жайғасқан. Бұл туралы Stan.kz ақпарат агенттігі хабарлайды.
Қазақстандағы азық-түлік бағасы әлемдегі ең қымбат қала – Нью-Йоркпен салыстырылды. Нәтижесінде елімізде азық-түліктің қолжетімділік индексі шамамен 28 пайыз болған. Демек біздің бағалар Ауғанстан, Пәкістан және Ирандағыдан шамамен бір жарым есе жоғары. Дәл осы мемлекеттер рейтингтің көш басында тұр. Ал ең қымбат азық-түлікті Исландия, Швейцария және Кайман аралдарының тұрғындары тұтынады. Бұл елдерде баға Қазақстаннан төрт есе қымбат.
Фото: Видеодан скринСарапшылар ең көп сұранысқа ие тауарлардың құнын да салыстырған. Ең қымбат өнімдеп сүт, картоп және сиыр еті Швейцарияда тіркелген. Мәселен, бұл елде бір килограмм еттің бағасы Қазақстандағыдан жеті есе жоғары. Сондай-ақ бір литр сүт бізде екі есе арзан. Ал бір килограмм картоп шамамен 2 доллар төмен.
Фото: Видеодан скринТМД елдерінің ішінде ең арзан азық-түлік Беларусьте екені анықталды.
Айта кетейік, бұған дейін Қазақстанда әлеуметтік маңызы бар азық-түлік бағасын реттеу тоқтатылатыны туралы жазған едік.
