Қазақстанға Үндістаннан келіп емделетіндердің саны 40 есе көбейген – ДСМ

Қытайдан келетіндердің легі 24 есе артыпты

Фото: ДСМ

Астанада медициналық туризм, фармацевтика және денсаулық сақтау саласына инновациялық технологияларды енгізу мәселелеріне арналған халықаралық форум өтті, деп хабарлайды Azattyq Rýhy.

Форумға 13 елден келген 500-ден астам делегат, соның ішінде 30 дипломатиялық өкілдік пен халықаралық ұйымдар, жетекші медициналық сарапшылар мен салалық байерлер қатысқан екен. 

Денсаулық сақтау министрлігінің мәліметіне сүйенсек, соңғы жылдары Қазақстанға Қытайдан келіп емделетіндердің саны 24 есеге, Үндістаннан – 40 есеге, Түркиядан үш есеге артқан.

Кардиохирургия саласында Қазақстан әлемнің үздік 30 елі қатарына кірген. 2024 жылы осындай 18 мыңға жуық операция жасалған. Ал жыл сайын елімізде 250–260 бүйрек, бауыр және жүрек трансплантациясы жасалады.

Бүгінде тоғыз қазақстандық клиника халықаралық JCI аккредитациясынан өткен. Ұлттық аккредитация жүйесі де халықаралық стандарттарға толық сәйкес келеді.