Қазақстанда 6,61 млн қорап темекі мен 1 млн литр ішімдік арнайы рұқсатсыз сатылған
Аталмыш бағытта тергеу жүріп жатыр
Фото: istockphoto.com
Фото: istockphoto.com
Мемлекеттік кірістер комитеті заңсыз темекі айналымына қарсы ауқымды тексеріс жүргізіп жатыр. Жыл басынан бері ел аумағында темекі мен алкоголь өнімдерінің заңсыз саудасына қатысты жүздеген дерек тіркелді, деп хабарлайды Azattyq Rýhy.
Мемлекеттік кірістер комитеті акцизделетін өнімдердің заңсыз айналымын тоқтату және нарықтың ашықтығын қамтамасыз етуге бағытталған кешенді шараларды жүйелі түрде іске асырып келеді.
2025 жылдың 9 айының қорытындысы бойынша Комитет алкоголь өнімдерін, темекі бұйымдарын және мұнай өнімдерін өндірушілер мен сатушыларға қатысты ауқымды тексерулер жүргізді.
Алкоголь өнімдері: 2 393 тексеру жүргізіліп, заңсыз айналымнан 1,06 млн литр алкоголь өнімі тәркіленді.
Темекі бұйымдары: темекі өнімдерін заңсыз сату бойынша 632 жағдай анықталып, жалпы сомасы 3,8 млрд теңгеге тең 6,61 млн қорап темекі тәркіленді.
Мұнай өнімдері: отынның көлеңкелі айналымы бойынша 509 факт тіркеліп, жалпы құны 5,3 млрд теңге болатын 55,6 мың тонна өнім тәркіленді.
«Бұдан бөлек, Комитет мемлекеттік реттеу саласында өндірушілерге қатысты тексерулер жүргізуде. Нәтижесінде, ағымдағы жылы бюджетке төленуге тиіс акциз сомасы 10 млрд теңгеден асатын бұзушылықтар анықталды.Мемлекеттік кірістер комитеті нарықтың ашықтығын қамтамасыз ету және адал кәсіпкерлер мен азаматтардың мүдделерін қорғау бағытындағы жұмыстарды жалғастыруда»,– делінген ведомство хабарламасында.
