Желіде “мектептерге қарулы шабуыл жасауға дайындық жүргізіліп жатыр“ деген хабарлама тараған
Фото: depositphotos.comӘлеуметтік желілерде "Қазақстан мектептеріне қарулы шабуыл жасауға дайындық жүргізіліп жатыр" деген хабарламалар жариялап жүрген аноним арналар тіркелген. ІІМ бұл ақпарат шындыққа сәйкес келмейтінін мәлімдеді, - деп хабарлайды Massaget.kz.
Жалған ақпаратқа қарсы іс-қимыл орталығы мәліметінше, жалған хабар тарату дерегі бойынша соталды тергеу басталған.
"Осындай мазмұндағы хабарламалар 2024 жылы да Қазақстан аумағында тіркеліп, оларды мессенджер платформаларының әкімшілігі шұғыл түрде жойған болатын. Мұндай жалған ақпарат таратушылар халық арасында қорқыныш пен үрей туғызуға, мемлекеттік институттарға деген сенімді әлсіретуге тырысады. Азаматтарды сабыр сақтауға, тек ресми ақпаратқа сенуге және арандатуға ермеуге шақырамыз", - деп жазылған хабарламада.
