Алдағы үш жылда Қазақстанда зейнетақы мөлшері қалай өзгереді?

Алдағы үш жылда Қазақстанда зейнетақы мөлшері қалай өзгереді?
Фото: depositphotos.com

2026 жылдан 2028 жылға дейін Қазақстанда зейнетақы мөлшері ұлғаяды. Мұндай деректер республикалық бюджет туралы заң жобасында қамтылады, - деп хабарлайды Massaget.kz.

Заң жобасына сүйенсек, Еңбек және халықты әлеуметтік қорғау министрлігіне 2026 жылға республикалық бюджеттен 6,8 триллион теңге бөлінген, оның 6,7 триллионы зейнетақы мен жәрдемақы төлеуге жұмсалады.

Құжат мәліметінше, 2026 жылы Қазақстанда орташа зейнетақы 103 687 теңге, ал 2027 жылы 108 940 теңге болады. 2028 жылға қарай 113 995 теңгеге дейін өседі.

2026 жылы базалық зейнетақының орташа мөлшері 54 082 теңге болады. 2027 жылы 58 276 теңгеге дейін өседі, 2028 жылы базалық зейнетақы 61 527 теңге болады.

Айта кетейік, 1 қыркүйектегі жағдай бойынша зейнеткерлер саны - 2 млн 503 мың адам.

Еске салайық, бұған дейін Қазақстандағы орташа зейнетақы мөлшері белгілі болды.