Аудан әкімінің орынбасары азаматтарды қабылдады
Бүгін аудан әкімінің орынбасары Жалғас Сүйеубаев аудандық партия филиалында қоғамдық қабылдау өткізді. Тұрғындар жер учаскесін ұлғайту, кентішілік көшелерді асфальттау және түнгі жарық шамдарын орнату мәселелерін көтерді.Әрбір өтінішке жіті назар аударған Жалғас Оңғарұлы заң талаптарына сәйкес жер учаскесін кеңейту мүмкіндігі бар екенін айтып, азаматтың өтінішін қанағаттандырды. Ал келесі тұрғынның өтінішіне орай, бұған дейін қиыршық тас төселген көшеге асфальт төсеу жұмыстары кезектілік тәртібімен жүзеге асырылатыны түсіндірілді. Сонымен қатар жауапты мекемелерге шағын көшені жарықтандыру мәселесін жақын арада шешу жолдарын қарастыруды тапсырды.
#AMANAT
