Бүгін – Халықаралық қарттар күні

ФОТО: ЖИ

Бүгін, 1 қазан – Халықаралық қарттар күні. Бұл дата Біріккен Ұлттар Ұйымының Бас Ассамблеясы шешімімен 1990 жылдан бастап ресми түрде аталып өтуде. Мерекенің басты мақсаты – егде жастағы адамдардың қоғамдағы рөлін айқындау, олардың құқықтары мен мүдделерін қорғауға назар аударту, деп жазды Caravan.kz медиа порталы.
Қазақ халқы қарттарын қашанда ерекше қадірлеген. Ел ішінде «Қарты бар үйдің қазынасы бар» деген нақыл сөз бекер айтылмаған. Қарттар – ұрпаққа өнеге, ақылдың көзі, өмірлік тәжірибенің иесі. Сондықтан бұл күн – үлкендерді ардақтау мен олардың еңбегін бағалаудың айрықша мүмкіндігі.
ЖарнамаҚазақстанда Халықаралық қарттар күні аясында ардагерлер мен зейнеткерлерге құрмет көрсету шаралары дәстүрге айналған. Әлеуметтік қорғау мекемелері мен жергілікті атқарушы органдар тарапынан қарттарға қолдау көрсету, түрлі мәдени іс-шаралар ұйымдастыру қолға алынуда.
Бұл мереке – тек қана құттықтау күні емес, сонымен бірге, қоғамның қарт адамдарға деген жауапкершілігін еске салатын маңызды дата. Егде жастағы азаматтарға қамқорлық көрсету – жас ұрпақтың парызы, қоғамның дамуының көрсеткіші.