Ең пайдалы нан түрі анықталды

Фото: ©Pixabay.com

Өскін дәннен дайындалған нан

Бір тілім мұндай наннан 71 ккал, 5 г ақуыз, 12,9 г көмірсу және 2 г жасұнық аласыз. Бұл нан ағзаға темір мен мыстың жақсы сіңуіне ықпал етеді, крахмалы аз болады әрі глютенге төзімсіз адамдарға жеңіл тиеді.

Ашытқы негізіндегі нан

Ашыту процесінің арқасында мұнда FODMAP (ферменттелетін олигосахаридтер, дисахаридтер, моносахаридтер мен полиолдар), глютен мен фитин қышқылының мөлшері азаяды. Ашытылған бір тілім тұтас дәнді нан құрамында 120 ккал, 4 г ақуыз, 3 г май, 20 г көмірсу және 2 г жасұнық бар.

100% тұтас бидай наны

Бір тілімнен 80 ккал, 4 г ақуыз, 1,1 г май, 13,7 г көмірсу және 1,9 г жасұнық алуға болады.

Сұлы наны

Бір зерттеуде ғалымдар сұлы нанының (бета-глюканмен байытылған) қандағы қант деңгейін аз көтеретінін және оны жегеннен кейін инсулиннің төмен деңгейде бөлінетінін анықтаған. Бұл әсер тұтас дәнді бидай нанына қарағанда пайдалырақ болды.

Зығыр наны

Бұл нан қоректік заттарға бай: жасұнық, ақуыз және альфа-линолен қышқылы (АЛҚ) бар. Альфа-линолен қышқылы қан қысымын төмендетіп, жүрек саулығын жақсартады. Бір зерттеу нәтижесіне сәйкес, зығыр нанын аптасына үш рет жеу жалпы холестеринді 7%-ға, ал «жаман» холестеринді 9%-ға төмендеткен.

100% өскін қара бидай наны

Бұл нан, әдетте, дәрумендер мен жасұныққа бай болады, әсіресе В дәрумендері көбірек. Ғылыми зерттеулердің бірі қара бидай нанын кешкі уақытта жеу ақ нанға қарағанда пайдалы екенін көрсетті. Артықшылықтарының ішінде: қандағы қанттың төмендеуі, инсулинге реакцияның азаюы, GLP-1 және PYY пептидтерінің жоғары деңгейі, келесі күні таңертең ішектегі ашу процесінің күшеюі және қанда қысқа тізбекті май қышқылдарының (SCFA) жоғары болуы бар.

Глютенсіз нан

Әдетте ол жүгері, маниока, картоп, тапиока және күріш крахмалынан жасалады. Мұндай нанды сатып аларда қоспасы аз және тұтас дәннен жасалған түрін таңдаған жөн.