Қауіпке қарсы қам
Аудан әкімі аппаратының басшысы Ринад Тілептің төрағалығымен дала, орман өрттерін алдын алу бойынша мәжіліс өтті.Мәжіліске салалық мекемелердің басшылары мен шаруа қожалықтарының өкілдері, қала, кент және ауылдық округ әкімдері қатысты. Күн тәртібіндегі мәселеге байланысты Қазалы ауданының төтенше жағдайлар бөлімінің бас инспекторы Шапағат Ермекбаев пен Қазалы орман және жануарлар дүниесін қорғау жөніндегі мекемесінің инженері Асқар Тұяқбаев хабарлама жасап дала, орман өрттерін алдын алу, болдырмау бағытында атқарылған жұмыстарын баяндап, алдағы кезеңге дайындықтарын пысықтады. Мәжілісте аппарат басшысы дала,орман өрттерінің орын алу себебі адамдардың далалық демалу орындарында, аң аулау кезінде, лақтырылған сіріңкеден, сөндірілмеген темекіден болатынын, бұдан бөлек бөтелкелер мен шыны сынықтарына шуақты күндері күн сәулелерін отты линзалар ретінде бағыттау салдарынан өрт шығуына себепші болуы мүмкін екенін айтты. Соған сәйкес тұрғындарға түсіндірме жұмыстарында ұдайы жүргізіп отыруды тапсырды.
Айта кетейік, осы жылдың ішінде ауданда 2 дала өрті оқиғасы тіркеліп табиғатқа келтірілген шығыны анықталып, кінәлілерге 88 470.00 тг әкімшілік айыппұл салынды.
«ҚАЗАЛЫ» ақпарат
