Біз кейінгі ұрпақтың жарқын болашағы үшін бейбітшілікті нығайтуымыз керек – Тоқаев
Бүгін – Ядролық сынақтарға қарсы халықаралық іс-қимыл күні.
Фото: Ақорда
Фото: АқордаБүгін – Ядролық сынақтарға қарсы халықаралық іс-қимыл күні. Бұл атаулы күнді БҰҰ Бас Ассамблеясы Қазақстанның бастамасымен бекітті. Президент Қасым Жомарт Тоқаев атаулы күнде әлеуметтік желідегі парақшасында жазба қалдырып, ядролық сынақтардан біржолата бас тартуымыз керектігін айтты, деп хабарлайды Skifnews.kz ақпарат порталы.
– Бүгін – Ядролық сынақтарға қарсы халықаралық іс-қимыл күні. Бұл атаулы күнді БҰҰ Бас Ассамблеясы Қазақстанның бастамасымен бекітті. Халқымыз атом қаруын сынаудан қатты зардап шекті. Мұндай қасірет қайталанбауға тиіс. Біз кейінгі ұрпақтың жарқын болашағы үшін бейбітшілікті нығайтып, халықаралық әріптестікті дамыта түсуіміз керек. Ядролық қарудан және сынақтардан біржола бас тартуға күш салуымыз қажет. Бейбітшілік пен қауіпсіздік – бүкіл адамзатқа ортақ ең басты құндылықтар, – деп жазды Президент Қасым-Жомарт Тоқаев өзінің X парақшасында.
