Комиссияның күн тәртібінде өзекті мәселелер қаралды
Бүгін аудан әкімінің орынбасары Дәурен Тлеумбетовтің төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі аудандық комиссияның кезекті отырысы өтті.Комиссияның күн тәртібінде аудандағы жалпы білім беретін мектептердің жаңа оқу жылына дайындық барысы мен өмірдің қиын жағдайында қалған балалар мен олардың отбасыларына қолдау көрсету орталығының жұмысы және қиын жағдайда жүрген балалардың мәселесі қаралды.
-Бүгінгі балалар ертеңгі біздің болашағымыз, басты құндылығымызда осы балалар. Алайда бүгінгі қоғамда барлық отбасыларда балалар үшін бірдей қолайлы жағдай жасалып жатқан жоқ, кейбір отбасыларда түрлі қиындықтар, тұрмыстық мәселелер, ата-ананың жұмыссыздығы, денсаулық жағдайы немесе отбасылық келеңсіздіктер салдарынан кейбір балалар қиын жағдайға тап болып жатады. Осы жағдайларға байланысты білім беру ұйымдары, сынып жетекшілері, мектеп психологтары ата-аналармен және тиісті құзырлы органдармен бірлесе отырып, өмірдің қиын жағдайына тап болған балаларды анықтап, оларға жан-жақты көмек пен қолдау көрсету керек. Сонымен қатар мұндай отбасындағы балалардың дұрыс білім алуына мүмкіндіктерді жасауға бірлесе жұмыстар атқаруымыз қажет, - деді Дәурен Оңғарбайұлы.
Жиында күн тәртібінде қаралған мәселелер бойынша комиссия мүшелері Өздерінің ұсыныстарын жеткізіп, комиссия төрағасы жауаптыларға комиссияның күн тәртібінде қаралған балалардың жағдайын үнемі бақылауда ұстауды тапсырды.
Сондай-ақ балалардың келеңсіз жағдайларға тап болуының алдын алу үшін жаңа оқу жылынан бастап «Ата-ана, мектеп, оқушы» үштік одағының жұмысын күшейтіп, жандандыруды керектігін жеткізді.
