Комиссияның кезекті отырысы өтті
Аудан әкімінің орынбасары Дәурен Тлеумбетовтің төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі аудандық комиссияның кезекті отырысы өткізілді. Жиынға комиссия мүшелері, білім беру мен денсаулық сақтау ұйымдарының жауапты қызметкерлері қатысты. Комиссия барысында кәмелетке толмағандардың істері және олардың құқықтарын қорғау жөніндегі комиссиялар отырыстарында құқық бұзушылық деректерінің қаралуы және жасөспірімдерге көрсетілген көмектер бойынша аудандық білім бөлімінің бас маманы Қуаныш Ерімбетов пен мен аудандық полиция бөлімі бастығының орынбасары Ғанибек Құрманалиев баяндама жасап, атқарылған жұмыстар жайында айтып өтті.
Жиын барысында комиссия мүшелері отырыста қаралған әрбір мәселелерді жіті талқылап, бұған дейінгі комиссия отырыстарында қаралған балалардың бүгінгі жағдайы үнемі назарда болуы керектігін айтты.
Сонымен қатар комиссия төрағасы Дәурен Оңғарбайұлы алдағы уақытта да кәмелетке толмағандармен орын алған оқыс оқиғалар, құқық бұзушылықтар мен қылмыстар болған жағдайда жедел шешім қабылдап, комиссияның жұмысын одан әрі жандандыруды тапсырды.
