31 тамыздан бастап несиесін мерзімінен бұрын жапқан қазақстандықтарға банктердің айыппұл салуға құқығы жоқ
Фото: Ru.freepik.comБанктердің несиесін ерте жауып, пайыздан түсетін пайдадан құр қалдырған клиенттерге айыппұл салуға құқығы бар. 31 тамыздан бастап берешегінен мерзімінен бұрын құтылған азаматтар ешқандай комиссия төлемейді. Бұл туралы Stan.kz ақпарат агенттігі 31-арнаның Информбюро жаңалықтар қызметіне сілтеме жасап хабарлайды.
Бір жылға рәсімделген несиені алты айда, одан көп мерзімге жоспарланған қарызды бір-ақ жылда өтегендер банкке айыппұл төлейтін еді. Бірақ күзден бастап жаңа заң күшіне еніп, қарапайым азаматтар мұндай комиссиядан толық босатылмақ. Оған сәйкес қазақстандықтар қарызын қалаған уақытында, ешқандай комиссиясыз қатара алады.
Айта кетсек, несие мерзімінен бұрын жабылса банкке түсетін кіріс қысқарады.
“Комиссия мен айыппұлын банктер енді тек заңды тұлғаларға қолдана алады. Бұл тәртіп тұтынушылардың құқығын күшейту үшін енгізілді. Яғни, енді қарапайым азаматтар тек қарыз болған мерзімі үшін ғана төлейді. Ерте өтегені үшін олардан комиссия ұсталмайды”, – дейді қаржы нарығын реттеу және дамыту агенттігі департаментінің бас маманы Дмитрий Акмаев.
