Тұрғын үй кезегі мен жер учаскесі бойынша заңнамалық тәртіп түсіндірілді
Бүгін аудандық партия филиалының қоғамдық қабылдау бөлмесінің жұмыс жоспарына сәйкес жер телімдерін табыстау және тұрғын үй-коммуналдық шаруашылық мәселелері бойынша азаматтарға тақырыптық қабылдау өткізілді.Қабылдауға Әйтеке би кенті әкімінің міндетін атқарушы Уәлихан Ықыласов, аудандық ауыл шаруашылығы мен жер қатынастары бөлімінің сектор меңгерушісі Мереке Ысқақ және аудандық тұрғын үй, коммуналдық шаруашылық, жолаушылар көлігі және автомобиль жолдары бөлімінің басшысы Тұрар Ідірісов қатысты.
Келушілер тұрғын үй мен жер учаскесін алу, сондай-ақ мал шаруашылығы мақсатында қожалық атынан жер телімін рәсімдеу мәселелерін көтерді.
Қабылдаушы тұлғалар азаматтарға тұрғын үй мен жер учаскесін тек заңда белгіленген кезектілік ретімен ғана алуға болатынын айтса, ал мал шаруашылығына арналған жер телімдерінің рәсімдеу тәртібі түсіндірді.
#AMANAT
