Кезекті тақырыптық қабылдау өткізілді
Бүгін «AMANAT» партиясы Қазалы аудандық филиалының қоғамдық қабылдау бөлмесінің жұмыс жоспарына сәйкес, жер телімдерін табыстау және тұрғын үй-коммуналдық шаруашылық мәселелеріне арналған кезекті тақырыптық қабылдау өтті.Қабылдау барысында тұрғындар аудан орталығындағы көшелерге күрделі және ағымдағы жөндеу жүргізу, сондай-ақ жер телімдерін кезек тәртібімен алу мәселелері бойынша өтініштерін білдірді.
Өз кезегінде жауапты тұлғалар азаматтардың сауалдарына нақты жауаптар беріп, қажетті түсіндірме жұмыстарын жүргізді.
Қабылдауға Қазалы ауданының тұрғын үй, коммуналдық шаруашылық, жолаушылар көлігі және автомобиль жолдары бөлімі басшысының міндетін атқарушы Жасұлан Сыдықов пен аудандық ауыл шаруашылығы мен жер қатынастары бөлімінің сектор меңгерушісі Мереке Ысқақ қатысты.
#AMANAT
