Тұрмыстық зорлық-зомбылықтан сақ болайық
Тұрмыстық зорлық-зомбылық - әкімшілік құқық бұзушылық немесе отбасылық мәселе емес, кез-келген басқа зорлық сияқты қылмысқа жатады. Әйелдер күш көрсетіп жатса да төзімділік танытады, жұрт алдындағы абыройын ойлап, күйеулеріне қарсы берген арыздарын да қайтып алып жатады.Отбасы тұрмыстық зорлық-зомбылықтың алдын-алу үшін 2009 жылғы 4 желтоқсанда «Тұрмыстық зорлық-зомбылық профилактикасы туралы» ҚР заңы қабылданған. Тұрмыстық зорлық-зомбылық дегеніміз – отбасы тұрмыстық қатынастар аясында бір адамның басқа адамаға қатысты дене зардабын және психикалық зардап келтіретін немесе келтіру қаупі бар құқыққа қарсы қасақана әрекеті.
Полиция жеке немесе заңды тұлғалардың өтініштері немесе хабарламалардың келіп түсуі; ІІО қызметкерінің зорлық-зомбылық қаупін тікелей анықтауы; жергілікті өзін өзі басқару орындарынан келіп түскен материалдар негізінде шаралар қабылдайды.
Айналада болып жатқан мән-жайларға бей-жай қарамай құқық бұзушылықпен, зорлық-зомбылыққа қарсы күресу әрбір азаматтың өз ар-ұяты алдындағы борышы.
Сәуле БИШЕКОВА,
Қазалы ауданы полиция бөлімі
Жергілікті полиция қызметі бөлімшесі
Отбасылық тұрмыстық зорлық-злмбылыққа қарсы күрес тобының инспекторы
полиция капитаны
