Аудандық мәслихат депутаттарының кездесулері жалғасуда
Бүгін «AMANAT» партиясынан сайланған депутаттар Талғат Әліпбаев пен Нұркен Ботабаев аудандық партия филиалына қарасты «Көлік» бастауыш партия ұйымының бірқатар сайлаушыларымен және партияластармен кездесіп, талап-тілектері мен ұсыныстарын тыңдады.Жиынды "Көлік" бастауыш партия ұйымының топтық ұйым жетекшісі, Қазалы көлік-техникалық жоғары колледжінің директоры Рахметулла Ізтілеу ашып, жүргізіп отырды.
Ең алдымен депутаттар депутаттық мандат алған кезеңнен бастап атқарған жұмыстарын баяндап өтті. Сондай-ақ партияның Сайлауалды бағдарламасын орындау аясында әзірленген өңірлік Жол картасының Қазалы ауданы бойынша орындалуына тоқталды.
Мұнан соң жиын қатысушылары тарапынан қойылған сұрақтарға жауап беріп, бірқатар ұсыныстарды назарға алды.
#AMANAT
