Бастауыш партия ұйымдарында есептік жиындар өтуде
«AMANAT» партиясы Қазалы аудандық филиалына қарасты 27 бастауыш партия ұйымы бар. Бүгінгі күнге дейін 19 бастауыш партия ұйымында есептік жиындар өткізілді. Жиында қаралған негізгі мәселелер 2021-2022 жылдары атқарған жұмыстары және алдағы кезеңге қойылан міндеттер, сондай-ақ аудандық партия филиалының конференциясына делегаттарды сайлау туралы.Бүгін осы мақсаттағы жиын «Шипагер» бастауыш партия ұйымында өткізілді. Оған аудандық мәслихат депутаты, бастауыш ұйым төрағасы Күншығар Әбілов және бастауыш ұйым мүшелері қатысты.
Жиында бастауыш ұйым төрағасы Күншығар Әбілұлы сөз алып партияның Сайлауалды бағдарламасы шеңберінде ауданымызда денсаулық сақтау саласына қатысты атқарылып жатқан жұмыстар жөнінде баяндады. Сонымен бірге бастауыш ұйымының екі жылда атқарған жұмыстарына тоқталып өтті.
Айта кетейік, «Шипагер» бастауыш партия ұйымы 421 партия мүшесінен тұратын аудандық партия филиалына қарасты ең ірі бастауыш ұйымдардың бірі. Ақ халатты аманаттықтар партияның Сайлауалды бағдарламасын іске асыру аясында бірқатар партиялық жобаларға өз үлестерін қосып келеді. Сонымен қатар мүшелік жарнадан қайтарылған қаражатқа қайырымдылық шараларын өткізуге тұрақты түрде атсалысуда.
#AMANAT
