Сайлаушылардың ұсыныс-пікірлері тыңдалды
Бүгін «AMANAT» партиясынан сайланған депутаттар Талғат Әліпбаев пен Нұркен Ботабаев Қазалы вагон жөндеу депосында «Қазалы келешек» бастауыш партия ұйымында бірқатар сайлаушылармен және партияластармен кездесіп, талап-тілектері мен ұсыныстарын тыңдады.Ең алдымен депутаттар депутаттық мандат алған кезеңнен бастап атқарған жұмыстарын баяндап өтті. Сондай-ақ партияның Сайлауалды бағдарламасын орындау аясында әзірленген өңірлік Жол картасының Қазалы ауданы бойынша орындалуына және сайлауалды бағдарламасының орындалуына тоқталды.
Мұнан соң жиын қатысушылары тарапынан қойылған сұрақтарға жауап беріп, бірқатар ұсыныстарды назарға алды.
Жиын соңында халық қалаулылары БПҰ-ның бөлмесінде азаматтардың жеке мәселелері бойынша қабылдаулар жасады.
#AMANAT
