Судьялар және сот қызметкерлері күні: Әділеттің айқын бейнесі

Фото: ашық дереккөзден

Тәуелсіз Қазақстанның құқықтық мемлекет ретінде дамуы сот жүйесінің тиімділігіне тікелей байланысты. Судьялар – заң мен ар-ождан таразысын тең ұстай отырып, әрбір іске әділ шешім шығаратын тұлғалар. Олардың қызметі – азаматтардың құқықтары мен бостандықтарын қорғау, әділеттілік орнату, қоғамдағы тұрақтылықты сақтау сияқты аса маңызды міндеттермен тікелей байланысты.

Сот қызметкерлері – сот процесінің ашық әрі тиімді өтуіне, құжат айналымының дұрыс ұйымдастырылуына, азаматтардың сұранысына жедел жауап беруге жауапты мамандар. Олар – әділ сот төрелігін жүзеге асырудағы судьялардың сенімді көмекшілері.

Судьялар мен сот қызметкерлері – өз ісіне адал, заң алдында әділ болуға ант берген жандар. Олардың қызметі тек кәсіби ғана емес, сонымен қатар үлкен адамгершілік пен жауапкершілікті талап етеді. Осы себепті бұл мереке – олардың күнделікті еңбегіне қоғам тарапынан берілетін жоғары бағаның көрінісі.

Жыл сайын бұл күні салтанатты шаралар өткізіліп, үздік судьялар мен сот қызметкерлері марапатталады, құқық қорғау жүйесінің дамуына үлес қосқан азаматтар ерекше аталып өтеді.

Судьялар және сот қызметкерлері күні – бұл тек кәсіби мейрам емес, сонымен қатар заң үстемдігін нығайту жолында қызмет етіп жүрген азаматтарға алғыс айту күні. Әділ сот жүйесі – қоғамдағы сенім мен тұрақтылықтың негізі. Осы жауапты салада еңбек етіп жүрген барша жандарға зор денсаулық, табысты еңбек және толағай жетістіктер тілейміз!

Еркебұлан АМАНГЕЛДІ,
Қазалы аудандық соты әкімшісінің

бас маман-сот отырысының хатшысы